تركي المصباحي

)الفصل الاول(

يفتح الستار

(يظهر على المنصة  مكتب بسيط يجلس علية مدير المستشفى وهو في حالة يرثى لها منكوش الشعر  ويقوم بعمل بعض الحركات اللارادية )

وهو يصيح بأعلى صوته : رفعااااااااااات . شوكاااااااااااات

يدخل الى المنصى اثنين من الممرضين  وهما يهرولان  مسرعين

ورفعت يقول في هلع : خير يا دكتور

المدير وهو يشتد غضبا : خير .. ايش من خير اللي بيجي من وجوهكم  مش يكفي اننا في حياتي  زوجتي  والمجانين  تشتوا تموتوني انتم وغبائكم

شوكت في هلع وخوف : بس يا دكتور احنا ماعملناش حاجه احنا طول عمرنا تحت امرك ونلبي طلباتك

المدير  :اسمها  اوامري مش طلباتي

ثم نهض من مقعدة وامسك بهما من رقبتهما وهو يقول بنفس اللهجة الغاضبة:انا  مش قلتلكم تختاروا من قائمة الدكاترة المتقدمين للعمل عندنا اقلهم خبرة وكفائة

شوكت : قلت يا دكتور

المدير وهو يهزهما  بقوة : مادام قلت يا دكتور . اخترتوا ذا ليش

رفعت : يا دكتور اللي قدموا ملفاتهم تقريبا كلهم بنفس الكفاءة .. فاخترنا  اقلهم عمرا واحدثهم تخرجا

المدير وهو يهزهما بقوة اكبر ويقول في استهجان:اقلهم خبرة واحدثهم تخرجا ….. وعادك تتنحوا وباللغة الفصحى .. مش عارف ان حديثين التخرج يكونوا متحمسين للعمل وطاقة الشباب ..انا اشتي جثث مملة اشتي ناس مثلكم مش قادرين تلاقوا ناس مثلكم.. ليش ما اخترتوش كبار في السن يكون حماسهم قد مات وانطفى

يكونوا عانوا من مشاكل الحياة وانطفأت روحهم

شوكت: يا دكتور كل الكبار في السن اللي قدموا شهايدهم كانوا اصحاب خبرة وشهايد كبيرة جدا غير شهادة الشكر والتميز

صاح المدير في عصبية : مش كلهم .. مش كلهم .. في بعضهم حتى لو معه 1000 شهادة خبرة اذا حس الراحةوالفلوس .. خلاص .. ليش عاد يفكر ويتعب نفسة ..كل اللي يفكر فيه انه يوقع ويستلم راتبه وبس

رفعت في ذكاء:بسيطة يا دكتور .. اذا اجا نقلة للأسف انت تأخرت ومافيش عندنا شغل ونخلية يمشي

ترك المدير  شوكت وامسك ب(رفعت) من تلاليبة بكلتا يدية وهو يقول :عارق انك ذكي

ابتسم رفعت في خوف وفرح:بجد

ثم استدرك قائلا: آ ا انا عارف بس تعرف التواضع و… كذا يعني …

قاطعه المدير وهو يقول : لا لا بجد انت ذكي انت عبقري

ثم صاح بقوة قائلا:انت مطرود

ثم اكمل قائلا :مطرود ومفصول  اقولها للي مثلك اللي موظف من غير لا شهادة ولا خبرة ولا حتى حب للعمل

انما ذا جامعي ويعرف حقوقة اكثر منك ويعرف انه احجنا مش بنلعب علشان نقلة تعال في شغل  روح مافيش شغل . ويعدين  الدكتور ذا اسمه مقيد في كشوف الوزارة فاهم الوزارة مش في عربية بطاطا … فهمت

رفعت في جزع : فهمت فهمت يا دكتور

تعالت في تلك اللحظة  طرقات على الباب

فنظر المدير  الى شوكت وصاح به قائلا : شوف من عند الباب (قالها وهو يترك رفعت)

انتفض شوكت  في قوة وهو يقول :حاضر حاضر (قالها وهو مايزال واقفا في مكانه)

فصاح به المدير : تحراااااك

سقفز شوكت بإتجاة الباب مسرعا في حين عاد المدير الى مكتبة وهو يتنهد بقوة قائلا من بين اسنانه: اغبيااااء

تنحى رفعت جانبا وجلس على احد المقاعد المواجهة للمدير

في حين حضر شوكت وهو يلهث قائلا : الدكتور ……الدكتور الجديد وصل

التفت المدير الى رفعت  وحدجه بنظرة قاسية

تراجع رفعت في مقعده وهو ينكمش في رعب

فصاح به المدير :اطلع برة

والتفت الى شوكت صائحا :خلية يدخل

قفز شوكت بأتجاة الباب ولم يكن يختفي خارج الغرفة حتى تعالت اصوات طرقات على الباب

فقال المدير : اتفضل

دخل الدكتور الجديد في نفس اللحظة وبجانبة شوكت الى انه لم يدخل وظل واقفا بجانب الباب

وصل الدكتور الى مكتب المدير  الذي كان  يمثل انهماكة في الاوراق  والعمل

فقال الدكتور وهو يمد له يدة : انا الدكتور جميل .. تم تعييني هنا معاك يا دكتور

هب المدير من مقعده في ثورة دون ان يبالي بيد الدكتور الممدودة وهو يقول : تعيينك معايا .. لا يا حبيبي اسمها تعيينك عندي تحت امرتي

نظر الية الدكتور جميل في دهشة (والتفت الى الجمهور قائلا):الله يعيننا الظاهر ان المدير  اتعدى من المرضى في المصحة يالله خارجنا

قال المدير :  ايش تقول

الدكتور جميل في عجلة : لا لا يادكتور  ولا حاجة .. كنت  اقول انه انا جدا سعيد انه بعمل تحت امرتك  وبشتغل تحت يدك وهذا  اكيد رايح يكسبني  خبرة كبيرة خاصة  وانك احد اكبر المراجع العلمية الطب النفسي

ابتسم  المدير في سعادة وفرح طفولي  وهو يقول : اكيد .. اكيد

قال الدكتور جميل : طب ممكن يا دكتور اعرف حبدأ اعالج المرضى من متى

ضرب المدير على طاولة مكتبة بقوة كبيرة وهو ينهض صائحا : تعالج من

ثم استطرد قائلا : يعني انت مفكر نفسك حتعالج المرضى.. انت اللذي عادك خريج مبتدأ جديد  باتعالج مرضى لهم عندي شهور وسنين .. مفكر نفسك  باتعمل اللي انا البروفسور علاء  ماقدرتش اني اعملة .. تعتقد انك باتكون احسن مني

الدكتور جميل : العفو يا دكتور انا ماكنش قصدي الكلام ذا

المدير : ماكنش قصدك .!! يعني انا كذاب انا بفتري عليك

الدكتور جميل :يا دكتور انا مش كذا نتا بس ما فهمتش قصدي

شهق المدير في قوة رافعا حاجبية في دهشة غاضبة وهو يقول : مافهمتش قصدك .. يعني انا غبي .. قصدك انه انا غبي ..صح …قولها  قول انه انا غبي قول ….

قاطعه الدكتور جميل صائحا وهو يضرب بيده على الطاولة في قوة  : بـــــــاس

ثم استطرد وهو يميل على مكتبة  وينظر اليه مباشرة قائلا:كل اللي سألتك هو سؤال واحد  مش مستاهل كل الصياح ذا .. ايش بشتغل  .. انا جاي من شان اشتغل  ابدأ من فين هذا هو كل شي.

كان المدير مايزال  صامتا مصدوما من اسلوب الدكتور الجديد الهجومي  الذي لم يكن يتوقعه اطلاقا

اشار المدير الى اقصى اليسار بيسراه وهو يقول بصوت خافت : في مكتب على اليسار تقدر تروح تجلس علية

تطلعه الية الدكتور جميل في دهشة قائلا: مكتب !!؟ ايش اجلس اعمل على المكتب

المدير : هو ذا شغلك .. تجلس على المكتب لما ينتهي الدوام وبعدين تروح باقي اسهل من كذا

قال الدكتور جميل في دهشة : اجلس على مكتب لما ينتهي الدوام ؟!!!!

ثم استطرد قائلا: آسف يا دكتور … مش انا اللي اجلس على مكتب لما ينتهي الدوام انا عينت من الوزارة دكتور مش موظف اداري ولازم اني اشتغل شغلي تمام

نهض المدير من على مكتبة صائحا : شغل ايش يابو شغل .. وبصراحهع كذا احنما ماعندناش غير الشغل ذا عجبك عدجبك مش عاجبك مع السلامه وزي ما يقولة في مصر الشقيقة  الباب يفوت جمل

نهض الدكتور من على مكتبة قائلا : لأ للأسف ما عجبناش وللأسف  اني بروح اقدم طلب نقل من المصحه وطبعا الطلب بيستلمه السيد الوزير وطبعا لابد من اني اشرح سبب طلب النقل وللأسف حضطر اني اقول على السبب .

(تحرك الدكتور نحو الخروج )

في حين صاح به المدير قائلا : مكانك ..

التفت الية الدكتور جميل في برود

فقام المدير من على مكتبة وهو يلملم اوراقة قائلا:طيب بنشوف ايش تقدر تعمل يا سوبر دكتور .. وهذا مكتبي وياسيبلك المستشفى كامل وورينا ايش تقدر تعمل

انهى لم اوراقه  وعدل من هندامه وهو يحمل الاوراق بيسراه  ويتجه الى الباب ولم يكد يصل الية حتى التفت الى الدكتور قائلا: بس اتذكر اني حبيت اساعد واريحك وانت اللي رفضت وبيننا الأيام وخليك فاكر انه لو ماقدرتش تعمل حاجه با خليك تدفع ثمن تطاولك غالي .

(يخرج من المنصة )

يقف الدكتور مندهشا في منتصف المنصة

نهاية الفصل الاول

*****************

يظهر على المكتب  الدكتور جميل جالسا على مكتب وهو يراجع بعض الاوراق

(كان يهز رأسة في استغراب وهو يقلب الاوراق)

رفع الدكتور جميل حيث كان يجلس اثنين من الممرضين(كان الاثنين يتحدثان مع بعضهما البعض في طرف  المنصة

وقال : لو سمحتوا

يرفع الاثنين رأسهما نحوه ورفعت يقول : خير يا دكتور

الدكتور : تعالوا لو سمحتوا

حضر الاثنين اليه ورفعت يقول : خير يا دكتور

قال الدكتور :انتم شغالين هنا ممرضين .. صح

شوكت : صحيح.. خير

الدكتور : كنت اشتي اسأكم الملفات هذي حق المرضى ما قد لاحظتوش فيها أي حاجه مختلفة

تطلع الاثنين الى بعضهما البعض في استغراب

وقال رفعت :يا دكتور احنا في مستشفى مجانين يعني كل شي غير

يبتسم الدكتور ابتسامه مجاملة سريعه وهو يقول : قصدي ان كل الملفات مافيش معاها تقارير علاج …

رفعت :علاج لمن

الدكتور : للمرضى

شوكت: يا دكتور تعالج مين وليش اولا مجانين يعني مستحيل يشفوا وثانيا ذاهم جالسين آكلين شاربين راقدين ماعاد يشتوا اكثر من كذا

الدكتور : ايش يشتوا اكثر من كذا انتم فاكرين ان المنرضى هذول مجرد مرضى لا يا حبيبي منك ليه هذولا هم مشاكلنا هذول هم انعكاس لمشاكل المجتمع اللي بتواجهنا انا وانت واخوك وجارك وآلاف من الناس بس للأسف ما قدروش يتحملوا كل الضغوط ذي

كل واحد من ذولا اتصدم ب

(الفصل الاول)

تفتح الستائر .. المنصة فارغة الا من شخص يجلس في احد الاركان على مكتبة فجأة يدخل طالب ما الى المنصة ويقع على الارض مع خطوته الاولى  على المنصة وهو يحمل هاتفة وهو يتكلم)

الاول :  الوو . فينك .. انا قدنا في الجامعه…آي آي (السقوط)

يمسك ساقة  وهو يهتف قائلاً : يا الله والصباح الدبور اول يوم  في الجامعه فلته  الله اعلم كيف آخرته

اجابة صديقة عبر الهاتف في قلق : مالك تصيح  … خير مع الصبح .

الاول : مانش داري اول  يوم بين الجامعه خطوة

الثاني :  خلاص .. خلاص ..شفتك (قال الجملة وهو يظهر من المكان المقابل  لظهور الاول  على خشبة المسرح ويقفل الهاتف ويسرع الخطا نحزة  قائلا في جزع : سلامات .. سلامات انشاء الله من فين طحت .

اشار الى درجة السلام الذي سقط منها وهو يقول : من فوق هذي

نظر الية صديقة نظرة جامده خالية من الانفعالات  وهو يشير الى درجة السلم  الوحيدة قائلا : من فوق هذي

الاول  : ايوه طحت منه

الثاني : وعادك تكرره

ودفعه  من صدرة  ودفعة من صدرة  وهو ينهض صائحا  : مالك اشتحط قع رجال

ثم اردف قائلا  (بأسلوب ساخر متمائع ) :يوه الدرجة فلتتني

قال الاول وهو ما يزال ساقطا على الارض : يا بني فلته  فلته والله انها فلته رجالي

الثاني في استعجان وهو يساعد صديقة عهلى النهوض : يعني في فرق  في فلته رجالي وفلته بناتي

(ثم دفعه ارضا وهو يقل بصوت مرتفع ما فيش فلته ثالث

سقط الاول على الارض وهو يصيح : آآآآآآآآآآآآآآآح هذي هي الثالث

ثم نهض  خلف صديقة  يود ضربة  في حين يجري الاخر قليلا ثم يستسلم له  وهو يغطي رأسة بكلتا يدية قائلا : خلاص خلاص آسف آسف  اصافتك والله اني اصافتك .

قال الاول من بين اسنانه وهو يمسك بشعر الثاني وهو يضم قبضته الاخر ويكاد يلكمه على وجهه  : تصافتنا .. ما هو من صفات  .. كسرتلي ( ثم يصمت لثانيه وهو يمسك اسفل ظهرة  ) ويقول:  ظهري

قال الثاني محاولا تغيير دفة الموضوع : اووة… انت  داري انحنا اتأخرنا

الاول في دهشة  (وهو يرخي ذراعه من على صديقة ) :اتأخرنا على ايش

الثاني : علىت التسجيل الساعه قدها 1.30  يعني باقي نص ساعه ويكمل التسجيل

الاول في ضجر : يا رجال ينتهي ….ابوه التسجيل.. انا مانش داري ليش انت مهتم  انحنا نسجل في الجامعه ليش .؟؟

الثاني  في دهشة :  نسجل ليش ؟؟ نسجل من شان ندرس طبعا

الاول (وهو يمط الحروف في دلال) : وندرس لييييييييش

الثاني (وهو يقلد زميله ) : علشان نتخراااااج

الاول : ونتخرج ليييييييييش

الثاني : علشان نشتغيييييييل

الاول ( بلهجة سريعه):  ملة هيا نروح نشتغل

الثاني (في دهشة مصطنعه) : ليش قد ندرس

الاول : وندرس ليييييييش

الثاني : مالك قد كملنا هذي

الاول في استغراب: من صدق

الثاني : ايوه صدق

الاول : احلف

(ينظر الية الثاني نظر جانبية )

فيردف الاول قائلا : خلاص خلاص اسمع …

الثاني :ها مالك

الاول : مش احنا ندرس علشان نشتغل

الثاني :تقريبا صح

الاول : خلاص بدل ما نضيع 4 سنين  من عمرنا  نروح نشتغل  على طول

الثاني في سخرية : ماشتشتغل    تلح .

الاول في سخرية مماثلة : هاهاها لا شلف سمبوسه

قطع كلامهما مرور شخص ما من امامهما  كان يرتدي  بدلة من الجينز الضيق جدا  وان احاط به حزام عريض ويمسك حقيبة يد صغيرة في يدة  ويضع ربطه على رأسة  ونظارة شمسية كبيرة الحجم وجوالين على يساره

(يمر ذالك الشخص من المدخل الاول ويخرج من المخرج الثاني  بخطوات اقرب الى المياعه )

(يمر من المدخل الايمن الى المدخل الايسر)

تبادل الاثنين نظرة استغراب وهما ينقلان بصرهما فيما بينهما  وينقلان بصرهما بأتجاه ذلك الشخص

وقال الاول : ماهو ذا

الثاني : ولا كأنك شوفت حاجه

الاول : ما شفتش ايش  …!! الولد ذا خلى عقلي اللذي له عشر سنه ما شتغلش  يشتغل اليوم ويسأل سؤال

الثاني : ماهو من سؤال اسأل

الاول : نفسي اعرف كيف دخل داخل البنطلون

الثاني محذرا : لاتسألوا عن اشياء …

الاول في عناد : والله مانا مسجل في الجامعه اليوم الى لمن احد يقولي

الثاني وهو يهدأة : خلاص خلاص انا شا قولك

ثم استطرت كلامه قائلا : شوف اول حاجه يجيبوا قطعه قماش تمام

الاول : تمام

الثاني وبعدين  يطرحوا الولد  ويقصقصوا القماش ويلفوا ويخيطوا

(يقول الاثنين في نفس الوقت) : ويوردوا

الاول : انا فدالة من ورد

الثاني : الحمدلله خلاص افتهملك

الاول : ايوه اكيد

الثاني : هيا خلحنا نروح نسجل

الاول (وهو يمسك به من ذراعه ) :اسمع اسمع

قاطعه الثاني في عصبية صائحا : اسمع ايش باقي ربع ساعه ويكمل التسجيل  واليوم آخر يوم في التسجيل ماعاد شلحقش

قال الاول (وهويشير بيده لتهدئته) : ناهي . ناهي شيطقلك عرق شحسبوك عليا نفر

(اطبق الثاني شفتيه في صمت في غيظ وهو يرفع رأسة عاليا بحركة درامية ويشير الى  مكتب المسجل )

مشى الاول من امامه وهو ينظر الى ملامحة  ويغمغم قائلا: ابو اهول

نظر الية الثاني وهو يضحك في استغراب (يبدوا للجماهير وكأن الكلمه خارج اطار النص)

قم يلحق به وترتفع صوت طرقات  ثم صوت المسجل وهو يقول : ادخل

يدخل الاثنين الى المكتب (كرسي وطاولة وامام الطاولة  كرسيين على اليمين وكرسيين على اليسار)

الاول : السلام عليكم (ويمد يده ليصافح المسجل )

الثاني :السلام عليكم (ويمد يده ايضا )

يرد عليهما المسجل قائلا: وعليكم السلام ورحمة الله وبركاته

ويشير لهم قائلا في ترحاب : اتفضلوا

جلس الاثنين في حين قال المسجل : انا الاستاذ عيسى وانتم

قال الاول: انا سمير

الثاني : وانا منير

المسجل :عاشت الاسامي ونورتوا الجامعه .. اتفضلوا

نهض سمير  متجها الى الخارج فلحق به منير ماسكا اياه من ذراعه  قائلا في دهشة :  على فين

قال سمير وهو يشير الى المسجل : قلنا اتفضلوا

المسجل ضاحكا في استغراب:اتفضلوا اتكلموا مش اتفضلوا امشوا

منير في يأس : ياخي خزيتبنا .. من فين تفهم انت نفسي اعرف من فين

سمير(وهو يميل الى الامام  بصدرة ماسكا اسفل ظهرة ) وهو يقول : من قفا

ثم استطرد (ويده التي اسفل ظهرة تمتد  ببطأ من اسفل ظهرة ) قائلا:اذني

قال المسجل (في جدية ): اتفضلوا يا شباب ايش طلباتكم

عاد الاثنين الى مقاعدهما

قال سمير : واحد كيلوا طماط

اتسعت عينا المسجل في دهشة ضاحكا وهو يقول :ايش ؟؟!!

قال منير ( وهو يضحك في حرج وحياء ومحاولا لم الموضوع) يقول : ههههههه .. معليش يا استاذ هو سمير كذا دمه خفيف

ثم استطرد بلهجة جاده: ايش الاقسام اللي عندكم في الجامعه

ابتسم المسجل قائلا: المفروض انه يكون عندك ميول معين

منير: والله انا احس اننا اميل للكمبيوتر .. يعني اجلس على الكمبيوتر كثير ما املش منه

المسجل : تمام يعني  ميولك كمبيوتر

(ثم يلتفت الى سمير الذي كان ينظر يمينا ويسارا في استهتار)

قائلا : وانت ايش ميولك

سمير فاغرة فاة : ها ؟؟!!!

المسجل  ميولك  ميولك  ايش القسم الذي تحبه

سمير : هااااااااااا

تنهد المسجل قائلا: الحمدلله افتهملة

سمير : كيف يعني

(ضرب كلا من منير والمسجل  جبهته براحة يدة  ومنير يقول : يابني آدم يسألك عن القسم الذي تحب تدرس بينه

سمير :هااااااااااااااا , مدري

منير في يأس : ايش القسم الذي تشتي تتخصص بينه

سمير (وهو يعتدل على المقعد في غرور) : هذي الحاجات ما تهمنيش

منير : اوووووه . اووووه .. قوية

سمير في غرور:ياخل انتم ما تقدروش  انا ادخل اي قسم اسلك على طول

منير : ياابن الحلال لاتكونش مغار  اختار القسم اللذي تشتيه سريع  الرجال معه عمل

سمير: يا خي انت ايش اخترت من قسم  كمبروتر … خلاص وانا معك كمبروتر كمبروتر .. قدحنا نتسلى

المسجل : يابني ادخل الحاجه اللي تحبها من شان تبدع فيها

سمير : آآها . آها  يدورلي من يبدع اول شي نبدع نسجل وبعدين  نبدع ندور من يبدع

المسجل : يعني خلاص نسجلكم

منير: سجل

سمير (في استهتار) : سجل

…………………………………………………………………

(ويغلق الستار)

(الفصل الثاني)

تظهر المنصة وكأنها قد تحولت الى قاعه دراسية حيث يجلس  8 طلاب  وامامهم كان الدكتور يشرح لهم المحاظرة

كان منير يجلس في المقعد الاول  في اقصى اليسار

وكان سمير يجلس خلفة مباشرة (يغطى سمير رأسة بقطعه كبيرة من الشاش )

ركل سمير المقعد الذي يجلس علية منير  فانتفض منير والتفت الى الخلف  وهو يصيح في خفوت : مالك

سمير في  ضجر  :يا خي قدنا غاثي كل يوم دراسة دراسة دراسة

منير في خفوت :طيب بعد المحاظرة  نتكلم

سمير: لا لا ما شنتظرش لمن تكمل المحاظرة .. انا اشتي اخرج

 فتح منير فمه ليجيب علية لولا ان قطع كلامهما الد